Ён адкрывае забытыя імёны землякоў

4 сакавіка 2021 года спаўняецца 80 год з дня нараджэння Марзалюка Аляксандра Іванавіча, настаўніка, краязнаўцы. (04.03.1941 г.).

Нарадзіўся ў в. Падлессе Стаўбцоўскага раёна Мінскай вобласці.

Скончыў Нова-Веснаўскую сярэднюю школу. З 1959 г. па 1961 г. працаваў у калгасе “Дружба” Стаўбцоўскага раёна ў будаўнічай брыгадзе.

У 1961 годзе паступіў на гісторыка-геаграфічны факультэт Магілёўскага педінстытута. У 1965 годзе пасля заканчэння вучобы служыў у Савецкай Арміі (1965–1967 гг.).

З 1967 г. – настаўнік гісторыі, а потым дырэктар Ленінскай сярэдняй школы.

Па яго ініцыятыве ў 1975 г. у школе створаны гісторыка-краязнаўчы музей.

Заслугай Аляксандра Іванавіча з’яўляецца адкрыццё забытых гістарычных імён нашай Краснапольшчыны: рэвалюцыянера А.К. Траянава, абаронцы Брэсцкай крэпасці В.Я. Казлова, выпускнікоў школы 1941 года, Георгіеўскіх кавалераў Краснапольшчыны, настаўнікаў Мароцкіх. Даследчы характар маюць яго працы: “Гісторыя вёскі Гніліца (Леніна)”, “Гісторыя Ленінскай СШ”, “Гісторыя калгаса “Крэмль”, артыкулы пра М.К. Кураку, С. Кудзінава.

Разам з настаўнікам Мікалаем Аляксандравічам Еўдакімавым выдаў дапаможнік “Прырода Краснапольскага раёна”.

Віншуем Аляксандра Іванавіча з юбілеем!

Цэнтральная раённая бібліятэка імя М. Ткачова.

Поделиться с друзьями
453 просмотров